Former Pakistani Prime Minister Imran Khan don dey sentenced to 10 years in jail inside one case wia dem accuse am of leaking state secrets.
Mr Khan, wey im opponents comot as PM for 2022, dey already serve one three-year jail term after dem find am guilty of corruption.
E don say all di charges against am dey politically motivated.
Di conviction under di secrets act dey come di week before general elections wia dem stop am from contesting.
Former Foreign Minister Shah Mahmood Qureshi bin also dey sentenced to 10 years in prison by di special court.
Di case involve di alleged leaking of secret diplomatic correspondence wey Pakistan ambassador for Washington to Islamabad send wen Mr Khan be prime minister.
E relate to im appearance for one rally for March 2022, one month before dem comot di former cricketer from power with one vote of no confidence. Imran Khan appear on stage, e dey wave one piece of paper wey e say show one foreign conspiracy against am.
E say e show say “all go dey forgiven if Imran Khan dey removed from power”. E no name di kontri – but afta den, e become highly critical of United States.
Di prosecution say di former PM actions amount to leaking a classified document and damaging diplomatic relations. Part of di charge fit lead to life imprisonment or even di death penalty.
Imran Khan don dey Adiala jail since August. International media bin no dey allowed to attend proceedings for di special court wey bin don dey go on over di last few months.
Local media report say di judge bin recently get word to fast-track di trial.
Mr Khan Pakistan Tehreek-e-Insaf (PTI) party say dem go challenge di court ruling and call am “sham case”.
Di general election go happun on 8 February, inside allegations say di PTI dey prevented by di authorities from campaigning.
Mr Khan dey fight different legal cases.
How soldier wey mob beat to death get justice after seven years