Austin Faani wey b Nigerian Filmmaker and husband of one popular actress, Chacha Eke-Faani don share hin experience as he Dey take live with him wife wey get mental issue.
If u remember well say hin wife na mama of four and she dey do advocate for people wey get mental health wahala. She con open up about her mata for one of her outreach event about how she Dey take manage her Bipolar disorder (All this fat fat grammar. No worry I go break am down for una. Bipolar disorder mean say people wey fit dey low sometimes and sometimes dem go dey like person wey dem charge).
She con yarn dem how she Dey stay for Lagos beach, hotels dem and street. She say e get one time wey she enta boat go Ghana with fake ID.
She con add say e get one time wey she Dey fear for house for that kyn 3 early mormor say she go Asaba motor park go enta moto wey dey go lag.
Her husband Austin con add hin own dey yarn dem as e take be for am wey dey stay with am. Him say one morning by one say d hin wife use loud noise for mirror wake am up say people dey comot for the mirror na why she break am.
Hin say as hin wife health con dey worse dey go hin no get choice con carry am go church make dem pray for am.
Hin tok all d places wey dem go and d things wey dem don do before dem con tell am say she get Bipolar disorder.
Naija sisi don yarn wetin do men wey no dey kurukere for their relationship
