E be like BBNaija All Stars lovers, Venita and Adekunle don finally scatter wetin dey between dem as dem been get one ogbonge disagreement yesterday.
Venita wey b actress and mother of two been plan romantic dinner for her and Adekunle so dem go fit celebrate deir love as d show don dey finish and dem no know if dem go fit make am reach d final week.
The lovebirds been set wear better cloth con go garden make dem enjoy their dinner on friday night. E con be say things no con go d way wey dem take plan am as dem con vex eachother.
After the kyn worwor dinner, d housemates con begin dey ask dem how d thing take go. Na so Venita con tok say d dinner no make sense, say na rubbish.
The reply con make Angel wan know wetin really sup that night. Venita con explain d mata give Angel say Adekunle been dey joke say hin go come hin child naming ceremony. Wey con mean say he no wan get anything do with am after the show. Na so she con vex because d comment wey he give am no make sense to am.
The 36 year old reality TV star con begin dey cry for inside bathroom cos of d kyn drama, Angel con begin dey calm am down.
Watch the video for down,
Singer Tems don finally answer people wey tok say she get belle
