Two big football nations for Africa go meet for di Round of 16 for di Africa Cup of Nations on Saturday, wia Nigeria go face Cameroon.
Di na di second game of dis round afta di first game between Angola and Namibia.
Di neighbouring kontris no too show great football skills during dia group stage matches. Though Super Eagles qualify wit seven points as di second for di group, Cameroon enta di Round of 16 as one of di ‘best losers’ – dem come third for dia group.
Despite dia poor performances and di number of goals wey dem don chop, Cameroon still be like di kontri wey fit win dis game ahead of a Quarter final clash wit either Angola of Namibia.
Di Indomitable Lions go wan avenge dia defeat to Nigeria for dis stage for di 2019 AFCON, wia Tunisia later beat two years ago.
Nigeria vs Cameroon match go hold by 8pm GMT kick-off on Saturday 27 January for Stade Felix Houphouet-Boigny in Abidjan.
E be like say di 3-4-3 formation dey work for Jose Peseiro – e use am for Nigeria last two matches, wit Fulham defender Calvin Bassey impressing.
Alhassan Yusuf and William Troost-Ekong dey work hard to dey fit afta dia injury wahala. Both of dem don return to training.
Supreme Court declare Sim Fubara as di validly elected govnor of Rivers state
