For one news, d sad incident wey happen for city of Zaria, Kaduna state don kill eight people.
8 don die, 7 injure as Zaria Central Mosque fall ontop people wey dey pray
Chanels TV don confirm d kyn development for saturday mormor August 12, and dem con tok say seven oda people injure as d mosque fall for Zaria local government area of kaduna state for friday, August 11.
D report from channels TV carry video com as dem share am for twitter on saturday.
Make una see video fo down as eight people don kpai;
Kaduna state Governor Uba Sani don tok concerning d mata
Hin been address d mata for hin Facebook page on Saturday morning dey console d family of people wey die and those ones wey injure
Na so he take write am;
“I Dey very sad for d bad thing wey happen for Zaria central mosque for Kaduna state. My heart dey go to families of people wey die and those wey injure coz of d mosque wey fall for Zaria central. I wan give my sincere apology to emir of Zazzau, his royal highness amb. Ahmed Nuhu Bamalli and d whole Muslim community for d deaths wey happen. Make Allah forgive the bad things of those wey don die and grant dem Jannatul Firdaus”
“D kaduna state government go epp those wey d thing affect. We go con check wetin cause d kyn wahala”
